د تخنیکي او مسلکي زده کړو ادارې د اکاډمیک بورد ناسته ترسره شوه
د تخنیکي او مسلکي زده کړو ادارې د اکاډمیک بورد ناسته د یادې ادارې د تخنیکي او مسلکي چارو مرستیال ښاغلي مولوي غلام سعید احساس په مشرۍ ترسره شوه.
ددې ناستې په پیل کې د اکاډمیک بورد د تېرې غونډې د پرېکوړو په اړه خبرې شوې او اړوندو څانګو د خپلو کړنو راپورونه وړاندې کړل.
د غونډې په دوام کې د آجندا سره سم د مجاهدینو د زده کړو د دوام په اړه هم بحث وشو او ګډون کوونکو په دې برخه کې خپل نظریات شریک کړل.
د اکادمیک بورډ په غونډه کې پر یو شمېر اړوندو نورو تخنیکي او مسلکي مسایلو هم خبرې وشوې او غونډه د دعایې په ویلو سره پای ته ورسېده.
