د ولایتونو د تخنیکي او مسلکي زده کړو آمریتونو د فعالیتونو په هکله لنډ راپور
لغمان
د لغمان د تخنیکي او مسلکي زده کړو آمریت د یاد ولایت د مسلکي ښوونځیو او انسټیټونو له آمرینو سره غونډه وکړه.
په دې کتنه کې د تعلیمي کال د پیل لپاره پر چمتووالي خبرې وشوې.
په لغمان کې د مسلکي ښوونځیو او انسټیټونو آمرینو هم خپلې برنامې او وړاندیزونه شریک کړل.
بلخ
بلخ ولایت ته د تخنیکي او مسلکي زده کړو ادارې استول شوي پلاوي د یاد ولایت د تخنیکي مرکزونو له تاسیساتو څخه لیدنه وکړه.
نوموړي پلاوي د څېړنو له بشپړېدو وروسته د بلخ ولایت د تخنیکي او مسلکي زده کړو له آمر مولوي نورالله صلاح الدین امیني سره وکتل او د ۱۴۰۲ لمریز کال د شپږو ښوونیزو مرکزونو د بېرته فعالېدو په هکله یې معلومات وړاندې کړل.
کندز
د کندز ولایت د تخنیکي او مسلکي زده کړو آمریت اداري غونډه ترسره شوه.
په دې غونډه کې د دعوت او ارشاد مسؤول مولوي محمد داوود د نصحت او اصلاح وینا وکړه.
همدارنګه د اجنډا له مخې د بشري سرچینو او د څارنې او راپور ورکولو مدیرانو په یو شمېر موضوعاتو خبرې وکړې.
د کندز ولایت د تخنیکي او مسلکي زده کړو آمر ډاکټر فرید احمد لکڼ خېل د اداري او ښوونیزو چارو د لا ښه والي په موخه لازمې لارښوونې وکړې.
تخار
د تخار ولایت د تخنیکي او مسلکي زده کړو آمریت د بشري سرچینو مدیر غلام آریامنش د تخار ولایت د اداري اصلاحاتو او ملکي خدمتونو له آمر احمد خان عباس سره د یاد آمریت د کارکوونکو لپاره د روزنیزو سیمینارونو د جوړولو او د دغه آمریت د خالي بستونو د اعلانولو په اړه خبرې وکړې.
د تخار ولایت د اداري اصلاحاتو او ملکي خدمتونو آمر د تخار ولایت د تخنیکي او مسلکي زده کړو له آمریت سره د هر ډول همکارۍ ژمنه وکړه.
