د تخنیکي او مسلکي زده کړو ادارې د مشرتابه پلاوي غونډه ترسره شوه
د تخنيکي او مسلکي زده کړو ادارې د رهبري پلاوي غونډه د د یادې ادارې سرپرست مولوي غلام حيدر شهامت او مرستیالانو په مشرۍ ترسره شوه.
په دې ناسته کې په لومړي سر کې د "SDP" پروژې په اړه د مشرتابه د غونډې تېرې پرېکړې او د تفتیش عالي ادارې سپارښتنو په ګډون د هغو د پلې کولو په اړه راپور وړاندې شو. په دې برخه کې د ادارې د مشرتابه پلاوي لارښوونو اړوند، د «اس دی پی» پروژې د اجناسو موجودې لپاره د خدماتو او املاکو، مالي او حسابی، پلان ریاستونو او تدارکاتو آمریت د استازو په ګډون څلور کسیزې کمیټې جوړول.
د اجنډا له مخې د غونډې په دوام کې د مالی او حسابی رئیس حمید پوپل د دغه ادارې د بودجې د مصرف د وضعیت په اړه راپور وړاندې کړ. ښاغلي پوپل وویل چې تر اوسه د بودجې د مصرف کچه ښه ده. نوموړي د ځينو کوډونو لپاره د بودجې د نه لګولو لاملونه هم بيان کړل.
په دې کتنه کې د څارنې او ارزونې رئیس مولوي محمد مکاشیف په کابل ښار او ولسوالیو کې د تخنیکي او مسلکي زده کړو د مرکزونو د ستونزو په اړه خبرې وکړې. ښاغلي مکاشیف وویل، د دغو ټولو مرکزونو ستونزې یې څېړلې او راپور یې اړوندو ریاستونو ته استولی دی.
د غونډې په پاى کې د تخنيکي او مسلکي زده کړو ادارې سرپرست مولوي غلام حيدر شهامت د کابل ښار او ولسواليو کې لېسو او انسټیټونو ستونزو په هواري ټينګار وکړ او ويې ويل، چې اړونده رياستونه دې د څارنې او ارزونې ریاست راپور په کلکله توګه تعقيب کړي.
