د تخنیکي او مسلکي زده کړو ادارې اداري غونډه جوړه شوه!
د تخنيکي او مسلکي زده کړو ادارې اداري غونډه د دغه ادارې مالي او اداري مرستيال مفتي فضل الرحمن فاضل په مشرۍ جوړه شوه.
په دې غونډه کې د تېرو اداري غونډو پرېکړو د تطبیق او د برېښنا د سپما د کمښت په اړوند خبرې وشوې.
په غونډه کې ټینګار وشو، چې د تخنیکي او مسلکي زده کړو ادارې د رسمي او غیر رسمي ساعتونو په ترڅ کې د برېښنا د کمښت په برخه کې دې جدي پاملرنه وشي.
د خدماتو، مالی او حسابی ریاستو او تدارکاتو امریت ته هم دنده وسپارل شوه چې د بریښنا د ټرانسفرمر لیږد او نصبولو چې پخوا له برښنا شرکت سره قرار داد شوی وو تعقیب کړي.
د تخنيکي او مسلکي زده کړو ادارې په اداري غونډه کې د دغه ادارې د اداري چارو د لا ښه پرمختګ په موخه د داخلي پلټنې رياست ته لارښوونه وشوه، چې ستونزې يې وڅېړي.
په دې غونډه کې د تخنیکي او مسلکي زده کړو ادارې د کارکوونکو لپاره د دیني درسونو د پیلولو په اړه هم خبرې وشوې او د خدمتونو او املاکو ریاست او د بشري منابعو ریاست ته یې لارښوونه وکړه چې مناسب ځای وټاکي او د ګډونوالو لیست دې ارشاد او دعوت ریاست ته وسپاري.
