د افغانستان د هنرونو او معمارۍ غیر انتفاعي انستیتوت د فعالیتونو د دوام په اړه د افغانستان د اسلامي جمهوریت د تخنیکي او مسلکي زده کړو ادارې او فیروز کوه مؤسسی ترمنځ د هوکړه لیک لاسلیک کول.
میرمن ندیمه سحر، د تخنیکي او مسلکي زده کړو ادارې رئیسه او د فیروز کوه مؤسسی مشرې میرمن شوشانه شټوارټ نن سهار د همکاریو یو هوکړه لیک لاسلیک کړ.
د دغه هوکړه لیک لاسلیک کولو موخه د عامه او خصوصي سکتور د ونډې اخیستنې له لارې د معیاري تخنیکي او مسلکي زده کړو فرصتونو چمتو کول، د هیواد د بیارغونې او ودې لپاره د اړتیا وړ مهارتونو را منځ ته کول او په کورني او بهرني بازارونو کې د ځوانانو (نارینه او ښځو ) لپاره دکارموندنې اړین ظرفیتونه لوړول.
د تخنیکي او مسلکي زده کړو ادارې د درسي نصاب په چمتو کولو، روزنیزو برنامو، تحصیلی اسنادو ویش او هغې ته اعتبار ورکول، په علمي چارو کې دتخصصی مشورو او نورو اړوند روزنیزو چارو کې د آسانتیاوو په را منځ ته کولو کې له یاد انستیتوت سره دهمکاریو ژمنه وکړه .
په مقابل کې، د فیروز کوه بنسټ او انستیتوت د کیفیت په برخه کې د لوړو معیارونو سره، د زده کوونکو لپاره وړیا زده کړې، مناسب او معیاري چاپیریال چمتو کولو او د تجهیزاتو په ورکړه، د کورني او نړیوالو ملاتړ را جلبولو باندې اړ دی.
اغلې سحر او میرمن شوشانه شټوارټ هیله څرګنده کړه چې دغه هوکړه لیک به په نږدې راتلونکي کې پلي شي.
