زدهکوونکو ته د ودانیو د برېښنا سیم کشۍ په اړه عملي روزنه ورکړل شوه
د لغمان ولایت مرکز تخنیکي او مسلکي انسټیټیوټ زدهکوونکو د عملي زدهکړو په لړ کې د ودانۍ د برېښنا سیم کشۍ نصب او تنظیم په اړه عملي روزنه ترلاسه کړه.
د اړوندې څانګې استاد په دې درسي ناسته کې د ودانیو په برېښنايي سیستم کې د سیمونو سم نصب اهمیت او همدارنګه د برېښنا له احتمالي خطرونو څخه د خوندیتوب لارې چارې په عملي بڼه تشریح کړې.
همداراز استاد د زدهکوونکو پوښتنو ته ځوابونه وویل او زدهکوونکو د عملي زدهکړو پر لا پیاوړتیا ټینګار وکړ.
د تخنیکي او مسلکي زدهکړو په مرکزونو کې د زدهکړو لویه برخه عملي ده؛ له همدې امله د تخنیکي او مسلکي زدهکړو مرکزونو فارغان په مستقیم ډول د کار بازار ته جذبېږي.
