د مسلکي زدهکړو مرکزونو زدهکوونکو ته د حیواني ناروغیو د تشخیص عملي زدهکړه ورکړل شوه
د علینګار ولسوالۍ زراعت مسلکي لېسې وترنرۍ څانګې زدهکوونکو د یوې درسي جلسې په ترڅ کې د حیواني ناروغیو تشخیص په اړه عملي روزنه ترلاسه کړه.
همداراز لارښود استاد زدهکوونکو ته د حیواناتو د درملو تطبیق او تداوۍ څرنګوالي په اړه هر اړخیز معلومات وړاندې کړل.
زدهکوونکو د عملي زدهکړو له وړاندې کېدو څخه مننه وکړه او د دغو روزنو د لا پیاوړتیا غوښتنه یې وکړه.
عملي زدهکړې زدهکوونکي د کار بازار ته د ننوتلو لپاره لا ښه چمتو کوي، له همدې امله د تخنیکي او مسلکي زدهکړو ادارې مشرتابه تل د دې ډول روزنو پر پیاوړتیا ټینګار کوي.
