د خوست د تخنیکي او مسلکي زدهکړو آمریت لخوا د سلګونو معلوماتي بروشورونو وېش
د خوست ولایت د تخنیکي او مسلکي زدهکړو آمریت مسؤلین وایي، چې دوی د عامه پوهاوي د یوې برنامې په ترڅ کې او د خلکو د ذهنونو روښانولو په موخه، زر معلوماتي بروشورونه وېشلي دي.
د تخنیکي او مسلکي زدهکړو پر لور د ځوانانو هڅول او د دې زدهکړو د ارزښت په اړه د عامه پوهاوي لوړول، د دې برنامې له اساسي موخو څخه بلل شوي دي.
د دغه آمریت د مسؤلینو په وینا، ټاکل شوې ده چې دا پروګرام به د خوست ولایت په ګوټ ګوټ کې دوام ومومي.
دا په داسې حال کې ده، چې دا مهال د هېواد په کچه د اطلاعاتو او عامه اړیکو آمریت لخوا او د ولایتي تخنیکي آمریتونو په همکارۍ د تبلیغاتي بنرونو لګول روان دي.
