د مالي او اداري چارو معاونیت غونډه ترسره شوه.
د تخنیکي او مسلکي زده کړو ادارې د مالي او اداري چارو معاونیت غونډه د یادې ادارې د مرستیال مفتي فضل الرحمن فاضل په مشرۍ ترسره شوه.
په دې غونډه کې د کارمندانو چارو، مالي چارو، تدارکاتو، او املاکو او خدماتو چارو په ګډون په بېلابېلو موضاعتو بحث وشو.
د بېلابیلو ریاستونو ګډونوالو په دې ناسته کې د خپلو کاري چارو د پرمختګونو او کړنو په اړه خپل ګزارشونه وړاندې کړل او د مالي او اداري چارو مرستیال مفتي فضل په خپله وینا کې د چارو په وخت پلي کولو ټینګار وکړ.
دا په داسې حال کې ده چې، د مالي او اداري چارو معاونیت د ریاستونو څخه د پیګیرۍ او ګزارش ورکونې په موخه پېلابیلې ناستې ترسره کوي چې په يادو ناستو کې د ستونزو او د نوموړو ستونزو د حل کولو د څرنګوالي په اړه بحث کېږي.
