د نیمروز ولایت د تخنیکي او مسلکي زده کړو آمریت له یوه برېښنایي شرکت سره تفاهم لیک لاسلیک کړ
د نیمروز ولایت د تخنیکي او مسلکي زده کړو آمریت د یاد ولایت اړوند زرنج مسلکي لېسې د زده کوونکو د عملي کارونو د ودې په موخه د برښنایي خدماتو له یو شرکت سره تفاهم لیک لاسلیک کړ.
د دغه تفاهم لیک له مخې، د نیمروز ولایت د زرنج مسلکي لېسې زده کوونکي کولای شي، چې د خپلو علمي او عملي زده کړو د ښه والي په موخه د یوه کال په موده کې د دغه شرکت له اسانتیاوو څخه ګټه پورته کړي.
دغه تفاهملیک په داسې حال کې لاسلیک کېږي چې د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
