د غور ولایت د کرنې او وترنری انسټيټوټ د محصلینو د عملی زده کړو بهیر
د غور ولایت اړوند د کرنې او وترنری انسټیټوټ د وترنرۍ څانګې محصلینو ته د مایکروسکوپ په اړه په عملی بڼه روزنه ورکړل شوه.
لارښود استاد د درس په ترڅ کې محصلینو ته د مایکروسکوپ، د مایکروسکوپ د اجزاوو او د لابراتوار د وسایلو د پېژندنې په اړه هر اړخیز معلومات وړاندې کړل.
د تخنیکي او مسلکي زده کړو په مرکزونو کې زیاتره زده کړې عملي دي، تر څو د تخنیکي او مسلکي زده کړو د مرکزونو فارغان له فراغت وروسته په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
