د میدان وردګو ولایت سیداباد کثیرالرشتوي انسټيټوټ د محصلینو د عملي زده کړو بهیر
د میدان وردګو ولایت اړوند سیداباد کثیرالرشتوي انسټيټوټ د برښنا څانګې محصلینو ته د سیداباد ولسوالۍ مرکز ته د یو علمي سفر په ترڅ کې د ساختمان د برښنا د سیم کشۍ په اړه په عملي بڼه روزنه ورکړل شوه.
لارښود استاد د درس په ترڅ کې محصلینو ته په د ساختمان د برښنا سیم کشۍ د څرنګوالي په اړه په مفصله توګه توضیحات وړاندې کړل او د نوموړو پوښتنو ته یې هم ځوابونه وویل.
عملي زده کړې له محصلینو سره مرسته کوي ترڅو د فراغت وروسته په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل هڅه کوي چې د تخنيکي او مسلکي زده کړو په مرکزونو کې د عملي زده کړو بهير لا پياوړی کړي.
