په بغلان ولایت کې د مجاهدینو لپاره د ادارې او مدیریت روزنیز پروګرام پیل شو
په بغلان ولایت کې د مجاهدینو لپاره د ادارې او مدیریت روزنیز پروګرام د یاد ولایت د یو شمیر سیمه ییزو چارواکو په شتون سره پیل شو.
په دې مراسمو کې ويناوالو د تخنيکي او مسلکي زده کړو ادارې له رهبرۍ څخه د مجاهدينو لپاره د زده کړو د زمينې برابرولو په برخه کې ستاینه او قدرداني وکړه او په یاد پروګرام کې له ګډون کوونکو مجاهدينو څخه وغوښتنه وکړه تر څو د یاد فرصت څخه اعظمي ګټه پورته کړي.
له بلې خوا د اطلاعاتو او فرهنګ رييس او د بغلان ولايت د پوهنې رييس وويل چې د تخنيکي او مسلکي زده کړو اداره په هېواد کې يو له مهمو بنسټونو څخه ده چې په هېواد کې د بېوزلۍ د له منځه وړلو او د کار بازار لپاره د ماهر ځواک د روزنې په برخه کې فعالیت کوي.
دا پروګرام په بغلان ولایت کې په داسې حال کې ترسره شو چې په یوشمېر ولایتونو کې د تخنیکي او مسلکي زده کړو په مرکزونو کې د مجاهدینو روزنیز پروګرام روان دی او مجاهدین پکې زده کړې ترلاسه کوي.
