د تخنیکي او مسلکي زده کړو ادارې اونیزه اصلاحي غونډه ترسره شوه

د تخنيکي او مسلکي زده کړو ادارې اونيزه اصلاحي غونډه د کارکوونکو په حضور کې او د دغې ادارې د برنامو د څيړنې او د کيفيت تضمين رئيس ښاغلي مفتي سيد محسن سادات په وينا سره ترسره شوه.

په دغې ناسته کې یې د علماوو د مکلفیت او مسؤلیت په اړه خبرې وکړې.

ښاغلي سادات څرګنده کړه چې د اسلام ستر پیغمبر حضرت محمد (ﷺ) فرمایلي دي: چې علما د انبیا (علیه السلام) وارثان دي او د الله تعالی په نزد د پيغمبرانو وروسته د علماوو مقام لوړ دی.

ښاغلي سادات زیاته کړه، د علماوو مسوولیت ډېر دروند دی او تر ټولو سخته عذاب د هغو علماوو لپاره ده چې په خپل علم عمل نه کوي او خلکو ته الهي پیغام نه رسوي.

نوموړي زیاته کړه چې په نیکو کارونو باندې امرکول او له بدو کارونو څخه د خلکو منع کول د علماوو له مکلفیتونو او مسؤلینو څخه دي.

ښاغلي سادات د تخنیکي او مسلکي زده کړو ادارې له کارکوونکو هم وغوښتل چې د دغې ادارې د دعوت او ارشاد ریاست په روزنیزو غونډو او اصلاحي غونډه کې ګډون وکړي.

غونډه د خیر دعا په ویلو سره پای ته ورسیده.