د تخنیکي او مسلکي زده کړو ادارې د علمي بورډ غونډه
د تخنيکي او مسلکي زده کړو ادارې د علمي بورډ غونډه د دغه ادارې د تخنيکي او مسلکي چارو د مرستيال محترم مولوي غلام سعيد احساس په مشرۍ ترسره شوه.
د دې غونډې په پيل کې د تېرې علمي غونډې پرېکړې وڅېړل شوې او اړوندو ادارو د خپلو کړنو راپورونه ورکړل.
په دې کتنه کې د هغو استادانو د معاشونو اوحقونو ورکولو د څرنګوالي په هکله چې له زده کړو وروسته هېواد ته راستانه شوي دي، او همدارنګه د «استادانو وړتيا» د فورمې د نهايي کولو په اړه خبرې اترې وشوې.
په دې ناسته کې د تخنیکي او مسلکي زده کړو ادارې د نورو موضوعاتو په هکله هم ګډونوالو نظرونه تبادله کړل.
غونډه افغانستان ته د خیر په دعا سره پای ته ورسېده.
