د تخنیکي او مسلکي چارو مرستیال د هلمند ولایت له سیمه ییزو چارواکو سره وکتل
د تخنیکي او مسلکي چارو مرستیال ښاغلي مولوي غلام سعید احساس د هلمند له والي مولوي عبدالرحمن مسلم کندوزي سره وکتل او خبرې اترې یې ورسره وکړې.
په دغې کتنه کې د علماو شورا د رئيس په ګډون د هلمند ولايت يو شمېر نورو سيمه ييزو مسئولينو هم ګډون کړى و.
د دغې غونډې په پيل کې د تخنيکي او مسلکي چارو مرستيال د تخنيکي او مسلکي زده کړو ادارې په اړه معلومات ورکړل او ويې ويل، د بېوزلۍ له منځه وړل او د کار بازار لپاره د ماهر او مسلکي ځواک روزل د دغې ادارې له مهمو موخو څخه دي.
نوموړي د دغې ادارې د لاسته راوړنو یادونه هم وکړه او د دغې ادارې لخوا د مجاهدینو لپاره چمتو شوې روزنیزې طرحې په اړه یې لازم توضیحات ورکړل.
د هلمند والي د تخنيکي او مسلکي زده کړو ادارې د لاسته راوړنو او برنامو ستاينه وکړه او د یاد ولايت د تخنيکي او مسلکي زده کړو له مرکزونو څخه يې د ملاتړ ډاډ ورکړ.
ښاغلي مسلم کندوزي هم د مجاهدینو لپاره د جوړې شوې روزنیزې طرحې ستاینه وکړه او زیاته یې کړه چې دا د ولس لپاره ستر خدمت دی.
نوموړي په هلمند ولایت کې د دغې طرحې د تطبیق په اړه ډاډ ورکړ.
