د تخنیکي او مسلکي زده کړو ادارې د تبلیغاتو او نشراتو کمیټې غونډه ترسره شوه
د تخنيکي او مسلکي زده کړو ادارې د نندارتون د تبلیغاتو او نشراتو کميټې غونډه د دغې کميټې د رئيس استاد مطيع الله هدايت او یادې کمیټې غړو په حضور کې ترسره شوه.
په دغې ناسته کې د یاد نندارتون په اړه د عامه پوهاوي په موخه د تبلیغاتو پر څرنګوالي خبرې وشوې.
ګډونوالو د نندارتون د تبلیغاتو او نشراتو په اړه خپل نظرونه شریک کړل او په دې برخه کې لازم تصمیمونه ونیول شول.
په پام کې ده چې تخنیکي او مسلکي زده کړو اداره د افغانستان د غوره نوښتونو او خلاقیتونو ملي نندارتون ترسره کړي او د هېواد له ګوټ ګوټ څخه به نوښتګر او اختراع کوونکي حضور په کې ولري.
