د فانوس تحصیلي موسسه کې د تخنیکي او مسلکي زده کړو ادارې کارکوونکو ته روزنیزه برنامه ترسره شوه
د بودجې او پلان جوړونې په هکله د ظرفیت لوړونې روزنیزه برنامه د فانوس خصوصي لوړو زده کړو موسسې په همکارۍ د تخنیکي او مسلکي زده کړو ادارې د بشري سرچینو ریاست د ادارې د پراختیا او ظرفیت لوړونې آمریت له خوا ترسره شوه.
په دغه پروګرام کې د تخنيکي او مسلکي زده کړو ادارې د بېلابېلو ریاستونو له ۱۰ څخه زياتو کارکوونکو ګډون کړى و.
د دغه برنامې له ترسره کېدو څخه موخه د بودجې جوړونې او پلان ترتیبولو په برخه کې د تخنیکي او مسلکي زده کړو ادارې د کارکوونکو ظرفیت لوړول وو.
د تخنيکي او مسلکي زده کړو ادارې له دې وړاندې هم د خصوصي لوړو زده کړو موسسو په همکارۍ روزنيزې برنامې ترسره کړې او دا برنامې دوام لري.
