په ننګرهار کې د تخنیکي او مسلکي زده کړو له مرکز ونو څخه شاوخوا ۶۰۰ تنه فارغ شول

media_admin
دوشنبه ۱۴۰۲/۳/۸ - ۱۱:۵۴
مراسم فراغت

د ننګرهار ولایت د مسلکي لیسو او انسټیټونو فارغانو د فراغت غونډه د تخنيکي او مسلکي زده کړو ادارې سرپرست مولوي غلام حيدر شهامت او د دغه ادراې تخنيکي او مسلکي چارو مرستيال مولوي غلام سعيد احساس په حضور  کې ترسره شول.

سږ کال د ننګرهار ولایت تخنیکي او مسلکي زده کړو له مرکزونو څخه په ۱۴ تخنیکي او مسلکي څانګو څخه ۵۹۷ تنه فارغ شول.

ښاغلي شهامت دغه زده کړیالانو ته د فراغت مبارکي وویله او له هغوی یې وغوښتل چې د هیواد د آبادۍ او پر ځان بسیا کیدو په برخه کې خپل مسولیت ادا کړي.

د تخنيکي او مسلکي زده کړو ادارې سرپرست زياته کړه، دغه اداره هڅه کوي، چې يو معيارې ښوونیز نصاب  رامنځته کړي.

ښاغلي شهامت د تخنیکي او مسلکي زده کړو ادارې او د " ستی ان افغانستان " موسسې تر منځ وروستي هوکړه لیک ته په اشارې سره وویل، چې د دغه هوکړه لیک پر بنسټ به له آلمان څخه نوي څانګې د هیواد تخنیکي او مسلکي زده کړو په نصاب ته انتقال شي.

د تخنيکي او مسلکي زده کړو ادارې سرپرست زياته کړه چې د دغه ادارې  په هلو ځلو سره د دولتي پوهنتونو کې انسټیټونو د فارغانو د يو کلن تنزیل ستونزه هم لرې شوې ده.

په یادو مراسمو کې  د تخنيکي او مسلکي چارو مرستيال مولوي غلام سعيد احساس هم خبرې وکړې او ويې ويل چې په هېواد کې امنيت تامين شوى او ځوانان کولاى شي په ارامه فضا کې زده کړې وکړي.

ښاغلي احساس ځوانان  علم زده کړې ته وهڅول او ویې ویل، چې د ځوانانو په پوهه سره بهرنیان نور نه شي کولای په هېواد کې خپلې برنامې او فکرونه عملي کړي.

د تخنيکي او مسلکي چارو مرستيال دغه راز زياته کړه چې دغه اداره هڅه کوي چې د کار بازار له اړتيا سره سم خپل نصاب تنظیم کړي، ترڅو د اړتيا پر بنسټ مسلکي ځواک وروزي.

تازه خبرونه

پنجشنبه ۱۴۰۵/۸/۷ - ۹:۰
Background image

د افغانستان د تخنیکي او مسلکي زده‌کړو ادارې پلاوي په اندونیزیا کې د افغانستان اسلامي امارت له سفیر سره وکتل

د تخنیکي او مسلکي زده‌کړو ادارې عمومي رئیس، الحاج مولوي غلام حیدر شهامت، او د یادې ادارې د بهرنیو اړیکو رئیس، انجنیر احمد نبي نایل، اندونیزیا ته د خپل رسمي سفر په ترڅ کې په دغه هېواد کې. . .

چهارشنبه ۱۴۰۵/۸/۶ - ۱۵:۱۴
Background image

د تخنیکي او مسلکي زده‌کړو ادارې عمومي رئیس د مالیزیا د پارلمان له رئیس سره وکتل

د تخنیکي او مسلکي زده‌کړو ادارې عمومي رئیس، الحاج مولوي غلام حیدر شهامت، او د بهرنیو چارو وزارت د ډیپلوماسۍ انسټیټوټ رئیس، محترم عبیدالله اخندزاده، د مالیزیا د پارلمان له رئیس، محترم. . .

چهارشنبه ۱۴۰۵/۸/۶ - ۱۵:۱۱
Background image

د تخنیکي او مسلکي زده‌کړو په اداره کې د مکتوبونو او اداري اسنادو د مدیریت ډیجیټلي سیستم پرانیستل شو

د مکتوبونو او اداري اسنادو د مدیریت ډیجیټلي سیستم د مخابراتو او معلوماتي ټکنالوژۍ وزارت او د تخنیکي او مسلکي زده‌کړو ادارې د مسؤولینو په حضور کې په دې اداره کې پرانیستل شو. د دغه سیستم. . .

BACK TO NEWS