د کابل ولایت د تخنیکي او مسلکي زده کړو آمریت د استقلال لوړو زده کړو مؤسسې سره تفاهم لیک لاسلیک کړ.
د کابل ولایت د تخنیکي او مسلکي زده کړو آمر استاد رفیع الله حبیبي د استقلال د لوړو زده کړو موسسې له رئیس پوهاند حفیظ الله حداد سره د همکارۍ تفاهم لیک لاسلیک کړ.
د یاد تفاهم لیک پر بنسټ به د کابل ولایت د تخنیکي او مسلکي زده کړو د انسټيټوټونو فارغان د خپلو لوړو زده کړو د دوام په موخه د استقلال لوړو زده کړو موسسې ته په ځانګړي تخفیف سره شامل شي.
په دې تفاهم لیک کې همداراز راغلي چې استقلال د لوړو زده کړو موسسه به د کابل ولایت د تخنیکي او مسلکي زده کړو مرکزونو د ښوونکو او کارکوونکو لپاره د ظرفیت لوړونې پروګرامونه په لاره واچوي.
له بلې خوا د محصلینو لپاره د عملي کارونو دورې برابرول او د استقلال د لوړو زده کړو موسسې له لابراتوار، کتابتون او کمپیوټرلب څخه د محصلینو ګټه اخیستنه د دغه تفاهم لیک له موادو څخه دي.
دا په داسې حال کې ده چې د کابل ولایت د تخنیکي او مسلکي زده کړو آمریت له دې وړاندې هم د استقلال د لوړو زده کړو له موسسې سره یو تفاهم لیک لاسلیک کړی دی.
