د چک کثیر الرشتوي انسټيټيوټ محصلینو ته د برق فابریکې د دروازو د نصبولو په اړه عملی روزنه
د میدان وردګو ولایت د چک ولسوالۍ د کثیر الرشتوي انسټيټوت محصلینو د یو علمي سفر په ترڅ کې د یآدې ولسوالۍ د برېښنا فابریکې د دروازې د نصبولو له څرنګوالي څخه لیدنه وکړه.
په دې لیدنه کې محصلینو ته د برېښنا سب سټېشنونو په اړه هم معلومات ورکړل شول او لارښود استاد د برېښنا په برخه کې د محصلینو پوښتنو ته هم ځوابونه وویل.
عملي روزنه د تخنیکي او مسلکي زده کړو د مرکزونو له فارغانو سره مرسته کوي تر څو له فراغت وروسته په بازار کې دنده ترلاسه کړي.
له همدې امله د تخنيکي او مسلکي زده کړو ادارې رهبري تل د دې ادارې د تخنيکي او مسلکي زده کړو په مرکزونو کې د عملي زده کړو پر لا پياوړتيا ټينګار کوي.
