د پروان د کثیرالرشتوي انستیتیوت ممتاز استادان او محصلین وستایل شول
د پروان ولایت په مرکز کې د کثیرالرشتوي انسټیټوټ ممتاز زده کړیالان د دغه ولایت تخنیکي او مسلکي زده کړو امریت له خوا وستایل شول.
پر همدې مناسبت جوړو شويو مراسمو کې د پروان ولايت تخنيکي او مسلکي زده کړو امر شېرمحمد حقاني هم د دغه ولايت په مرکز کې د کثیرالرشتوي انسټیټوټ د استادانو هڅې او فعاليتونه وستايل.
ښاغلي حقاني د تخنیکي او مسلکي مرکزونو زده کوونکي نوښت او خلاقیت ته وهڅول.
د مراسمو په پای کې هغه زده کوونکو ته ستاینلیکونه ورکړل شول چې په ازموینه کې یې غوره نمرې ترلاسه کړې وې.
