د ننګرهار ځانګړو زده کړو مسلکي لېسې د زده کوونکو د عملي زده کړو بهیر
د ننګرهار ولایت د ځانګړو زده کړو مسلکي لېسې د نقاشۍ څانګې دولسم ټولګي زده کوونکو ته په نقاشۍ کې د خامو موادو د کارولو په اړه عملي روزنه ورکړل شوه.
همدارنګه لارښود استاد د درس په ترڅ کې زده کونکو ته په دیوال باندې د نقاشي رسمولو د څرنګوالي په اړه مفصل توضیحات ورکړل او د نوموړو پوښتنو ته یې ځوابونه وویل.
د تخنیکي او مسلکي زده کړو په مرکزونو کې د روزنې لویه برخه عملي ده، له همدې امله د تخنیکي او مسلکي زده کړو مرکزونو فارغان د فراغت وروسته په مستقیم ډول د کار بازار کې جذب کیږي.
دا په داسې حال کې ده چې د تخنیکي او مسلکي زده کړو ادارې رهبری تل د تخنیکي او مسلکي زده کړو په مرکزونو کې د عملي زده کړو پر پیاوړتیا ټینګار کوي.
