د ننګرهار پچیراګام د کرنې له مسلکي لیسې څخه ۲۲ تنه فارغ شول
د ننګرهار ولایت پچیراګام ولسوالۍ د کرنې له مسلکي لیسې څخه د ۲۲ تنو د فراغت مراسم ترسره شول.
په دغه مراسمو کې ځايي چارواکو او قومي مخورو ګډون کړی وو.
د ننګرهار د تخنيکي او مسلکي زده کړو آمر فضل الباري نصرت نوموړو زده کوونکو ته د فراغت مبارکي وويله او ويې ويل چې هېواد يې د کرنې په برخه کې مسلکي کارکوونکو ته اړتيا لري.
ښاغلي نصرت زیاته: «کرنه د ټولنې د پرمختګ او پر ځان بسیاینې یوازینۍ لار ده».
مراسم فارغانو ته په ستاینلیک او تشویق پای ته ورسیدل.
