د ننګرهار د تخنيکي آمریت لخوا مهاجرینو ته مرستې ووېشل شوې
د ننګرهار ولايت د تخنيکي او مسلکي زده کړو آمریت له لوري له پاکستان څخه راستانه شويو کډوالو ته د مرستو بستې ووېشل شوې.
دغه مرستې د ننګرهار د تخنيکي او مسلکي زده کړو آمریت دښوونکو او کارکوونکو له شخصي لګښت څخه ورکړل شوې دي .
په مرسته شویو توکو کې خوراکي توکي لکه بوره، چای او مکرونی شامل دي چې پر ۷۶ کورنیو وویشل شول.
تر دې مخکې د تخنيکي او مسلکي زده کړو ادارې د دغې ادارې په چارو کې د مسلکي کسانو د ګمارلو لپاره چمتووالي اعلان کړى و.
په همدې حال کې د تخنيکي او مسلکي زده کړو ادارې کارکوونکو په يوه عامه غونډه کې هوکړه وکړه چې د خپل يوې ورځې معاش مهاجرینو ته ورکړي.
