د ملکي خدمتونو انسټيټوټ د ظرفیت لوړونې په پروګرام کې د تخنیکي زده کړو ادارې د کارمندانو ګډون
د تخنیکي او مسلکي زده کړو ادارې کارکوونکو چارو ریاست د ملکي خدمتونو انستیتوت سره په همکارۍ، د دې ادارې د مرکزي هستې یو شمیر کارمندانو لپاره د ظرفیت لوړولو پروګرام ترسره کړ.
د یادونې وړ ده چې پدې روزنیز پروګرام کې، نوموړو ته د غونډو مدیریت او لیکوالي « آئین نګارش » په اړه د ماسټر ترینرانو لخوا روزنه ورکړل شوه.
د کارکوونکو چارو ریاست د مسؤلینو په وینا، یاد پروګرام د تخنیکي او مسلکي زده کړو په اداره کې د اداري چارو د پرمختګ په موخه ترسره شو.
په ورته وخت کې، کارمندانو هم د دې پروګرام د ترسره کیدو څخه خوښي څرګنده کړه او له مسؤلینو یې وغوښتل چې د نوموړو لپاره نور روزنیز پروګرامونه هم پلاره واچوي.
