د لغمان ولایت اړوند مرکز کثیرالرشتوي انسټیټوټ د محصلینو د عملي روزنې زده کړییز بهیر
د لغمان ولایت د مرکز اړوند کثیرالرشتوي انسټیټوټ د بریښنا څانګې محصلینو د یاد ښوونیز مرکز د عملی کارونو په ورکشاپ کې د «برق جریان» په اړه په عملي بڼه روزنه ترلاسه کړه.
لارښود استاد د درس په ترڅ کې، نوموړو ته په «برقي اوتو کې د بریښنایي جریان» په اړه مفصل توضیحات ورکړل.
دغه راز، د دې درسي جلسې په دوام کې د استاد له لوري د محصلینو پوښتنو او سوالونو ته ځوابونه وړاندې شول.
د تخنیکي او مسلکي زده کړو په مرکزونو کې د زده کړو لویه برخه عملي ده، څرنګه چې د تخنیکي او مسلکي زده کړو مرکزونو فارغان له فراغت وروسته په مستقیم ډول د کار بازار کې جذب کیږي.
له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ لا پیاوړې کړي.
