د فارياب د کرنې او وترنري انسټیټوټ د زده کړیالانو فراغت غونډه ترسره شوه
د کرنې او وترنرۍ انسټیټوټ د زده کړیالانو د فراغت مراسم د یاد ولایت د سیمه ییزو چارواکو او د زده کوونکو د والدینو په حضور کې ترسره شول.
د فارياب ولايت د تخنيکي او مسلکي زده کړو آمر مولوي غلام ولي همت زده کړیالانو ته د فراغت مبارکي وويله او زياته يې کړه، چې ځوانان د هېواد سرمايه ده.
نوموړي زده کړیالانو ته په خطاب کې وويل، چې د احساس او مسووليت په درک کولو سره د هېواد د پرمختګ او ترقی لپاره کار وکړئ.
د مرکز د کثیرالرشتوي انسټيټوټ آمر همايون مرادي هم وينا وکړه او ويې ويل چې تخنيکي او مسلکي زده کړې د هېواد د پرمختګ بنسټ دى.
د مراسمو په پای کې فارغانو ته ستاینلیکونه ورکړل شول او مراسم د دعایې په ویلو سره پای ته ورسیدل.
