د غزني تخنیکي آمریت او برښنا ریاست ترمنځ د همکارۍ تفاهم لیک لاسلیک شو
د غزني ولایت د تخنیکي آمریت مسولین د غزني ولایت د برښنا ریاست سره د همکارۍ یو تفاهم لیک د لاسلیک کولو خبر ورکوي.
د یاد تفاهم لیک پر بنسټ به د غزني ولایت د کثیرالرشتوي انسټيټوټ د برق انجنیرۍ محصلینو لپاره د دغه ولایت په سب سټیشنونو او برښنایي تاسیساتو کې د عملي زده کړو زمینه برابره شي.
دا په داسې حال کې ده چې د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
