د تعلیمي نصاب پراختیا ریاست کارمندانو لپاره روزنیز پروګرام ترسره شو
د تخنیکي او مسلکي زده کړو ادارې د کارکوونکو چارو ریاست، د جامعه المصطفی پوهنتون په همکارۍ، سره روزنیز پروګرام ترسره کړ.
دا پروګرام به په کابل کې د شپږو ورځو لپاره ترسره شي، چې د تخنیکي او مسلکي زده کړو ادارې د تعلیمي نصاب پراختیا ریاست یو شمېر کارشناسانو او متخصصینو پکې ګدون کړی.
د تخنیکي او مسلکي زده کړو ادارې دکارکوونکو چارو ریاست د دې روزنیز پروګرام د ترسره کولو موخه د کارمندانو د پوهې پیاوړتیا عنوان کړې ده.
دغه راز د یاد پروګرام ګډونوالو ته د متمرکز او غیر متمرکز تعلیمي نصاب په اړه او همدارنګه د سر څپرکیو جوړولو او په تعلیمي نصاب کې د درسي موادو چمتو کولو د څرنګوالي په اړه روزنه ورکول کېږي.
ګډونوالو هم د دغه پروګرام د جوړیدو څخه قدرداني وکړه او له مسولینو یې وغوښتل چې یاد ښوونیز پروګرام ته دوام ورکړي.
