د تخنیکي او مسلکي زده کړو ادارې کارکوونکو ته د ظرفیت لوړونې ورکشاپ ترسره شو
د افغانستان د ارزونې او څېړنې مؤسسې د تخنیکي او مسلکي زده کړو ادارې د کارکوونکو لپاره د ظرفیت لوړونې پروګرام ترسره کړ.
په دغې برنامې کې د تخنیکي او مسلکي زده کړو ادارې ۱۶ تنو کارکوونکو برخه اخیستې وه او دوی ته د "افغانستان د ارزونې او څېړنې مؤسسې" له خوا په عملي بڼه د څېړنې میتود په اړه روزنه ورکړل شوه.
دغه راز دغه ورکشاپ دوه ورځې دوام وکړ او په پای کې د دغې مؤسسې له خوا ګډونوالو شاوخوا سل ټوکه کتابونه او ستاینلیکونه ورکړل شول.
په ورته وخت کې د افغانستان د ارزونې او څیړنې مؤسسې ژمنه وکړه چې د تخنیکي او مسلکي زده کړو ادارې د کارکوونکو لپاره به نورې برنامې په لاره واچوي.
