د تخنیکي او مسلکي زده کړو ادارې محصلینو ته عملي زده کړې زمینه برابرول
ښاغلی مفتی فضل الرحمن فاضل ؛ د تخنيکي او مسلکي زده کړو ادارې سرپرست د سروبي ولسوالۍ د نغلو د برېښنا بند څخه ليدنه وکړه او د تخنيکي او مسلکي زده کړو ادارې محصلينو ته يې د عملي زده کړو (پرکتیک دورې)د برابرولو په اړه د دغه بند له چارواکو سره خبرې وکړې.
د نغلو بند چارواکو په دې برخه کې د بشپړې همکارۍ ډاډ ورکړ او زیاته یې کړه چې د راتلونکي نسل د زده کړې لپاره قوي هوډ لري.
د دغه سفر په ترڅ کې مفتي فضل الرحمن فاضل د سروبي ولسوالۍ د کثیرالرشتوي انستیتوت څخه هم لیدنه وکړه.
نوموړي د ياد انستيتوت د ودانۍ د جوړېدو په اړه ډاډ ورکړ او د سروبي ولسوالۍ د کثیرالرشتوی انسټیټوټ امر ته لارښوونه وکړه، چې په اوسنيو شرايطو کې د اوسنۍ ودانۍ د کرايې د کمښت او هم د زده کوونکو د جذب په برخه کې لازم اقدامات ترسره کړي.
