د تخنیکي او مسلکي زده کړو ادارې د کارمندانو لپاره د ظرفیت لوړونې پروګرام ترسره شو
د تخنیکي او مسلکي زده کړو ادارې د کارکنانو چارو ریاست د دې ادارې ۱۱ تنه د مرکزي هستې کارمندان په یوه اوونیز روزنیز پروګرام کې د ګډون لپاره د ملکي خدماتو انسټیټوټ ته معرفي کړل.
دا روزنیز پروګرام د کارمندانو د حرفه ای ظرفیت لوړولو او د عامه خدماتو په برخه کې اړینو مفاهیمو، اصولو او مهارتونو سره د هغوی د بلدتیا په موخه پیل شوې.
دغه راز ګډونوالو د دې روزنیز پروګرام له ترسره کولو څخه د خوښي څرګندولو ترڅنګ د یادو پروګرامونو د دوام او په لاره اچولو غوښتنه هم وکړه.
د کارکنانو چارو ریاست مسؤلینو دا اقدام د بشري سرچینو د پراختیا او د دې ادارې په بیلابیلو برخو کې د کاري پروسې د ښه کولو په لور یو ګام وګاڼه او په راتلونکي کې یې د ظرفیت لوړولو د نورو پروګرامونو په ترسره کولو هم ټینګار وکړ.
