د تخنیکي او مسلکي زده کړو ادارې د پلان او ستراتیژیکي همغږۍ رئیس د یونسکو له استازو سره خبرې اترې وکړی
د تخنیکي او مسلکي زده کړو ادارې د پلان او ستراتیژیکي همغږۍ رئیس مولوي نیک محمد نیکمل د ملګرو ملتونو د علمي، تعلیمي او فرهنګي سازمان (یونسکو) له استازو سره وکتل.
په دغې لیدنه کې د تخنیکي او مسلکي زده کړو د ادارې د نهادونو د ملاتړ د ترلاسه کولو لپاره د یونسکو د همکارۍ په اړه خبرې اترې وشوې.
یونسکو د تمویل کوونکو او د تخنیکي او مسلکي زده کړو د ادارې ترمنځ د اړیکو او همغږۍ د رامنځته کولو په موخه یو استازی ټاکلی او دغه استازی نن د پلان او ستراتیژیکي همغږۍ رئیس ته ور وپیژندل شو.
ښاغلي نیکمل د یونسکو استازي ته د همکارۍ ډاډ ورکړ.
