د تخنیکي او مسلکي زده کړو ادارې د سرپرست له لوري د نیمروز ولایت، پلازموینې د تخنیک لېسه وڅېړل شوه
ښاغلی مولوي غلام حیدر شهامت، د تخنیکي او مسلکي زده کړو رئیس او ورسره مل پلاوي په نیمروز ولایت کې د زرنج تخنیکي لېسې وضعیت وڅېړه.
هغوی د دغه زده کړې مرکز ټول اسناد وڅېړل، او د استادانو د تدریس څخه یې لیدنه وکړه.
همدارنګه، ښاغلي مولوي شهامت د زرنج د تخنیکي لېسې د زده کوونکو او کارکونکو ستونزې واورېدې، د ستونزو د حل سربېره یې مسؤلینو ته د زرنج د تخنیک لېسې ارتقاء انستیتوت ته، د عملي زده کړو د وسایلو برابرول، د ښوونکي او زده کوونکي څانګې او شپې ليسې جوړولو وعده ورکړه، مسؤلینو ته یې لارښونه وکړه چې د هېواد د ځوانانو په روزنه کې هلې ځلې وکړي.
همدا شېبې د تخنیکي او مسلکي زده کړو ادارې رئیس او مل پلاوی په نیمروز ولایت کې دي.
له دې مخکې، هغوی د باغیس، هرات او فراه ولایتونو د تخنیکي او مسلکي زده کړو له مرکزونو لیدنه کړې ده.