د تخنیکي او مسلکي زده کړو ادارې د بدني روزنې انسټیټوټ د زده کړیالانو فراغت غونډه

media_admin
پنجشنبه ۱۴۰۰/۸/۱۳ - ۳:۱۶
tveta53

د تخنیکي او مسلکي زده کړو ادارې د بدنې روزنې انسټیټوټ د اوومې دورې فارغانو د فراغت غونډه د دغه ادارې د چارواکو او د المپيک د ملي کميټې د رئيس په شتون کې ترسره شوه.

د غونډې په پیل کې ښاغلی همایون علیمان؛ د بدني روزنې د انسټيټوټ آمر ددغه انسټيټوټ لاسته راوړنو په باب خبرې وکړې او هېواد د ملي او سيمه ييزو ورزشونو پياوړتيا يې مهمه وبلله.

ورپسې ښاغلی نورمحمد عزیزي؛ د تخنیکي او مسلکي زده کړو ادارې د اکاډمیکو چارو مرستیال د دې ادارې په استازیتوب د بدني روزنې د انستیتوت د استادانو هڅې وستایلې او ویې ویل چې دغه انسټیټوټ په افغانستان کې بدنې روزنې په وده کې اغېزمن رول لري.

په همدې ډول، نظر محمد مطمئن؛ د المپيک د ملي کميټې مشر خبرې وکړې او ويې ويل چې سپورت له سياست څخه جلا موضوع ده او له نيکه مرغه په ​​تيرو شلو کلونو کې د پام وړ لاسته راوړنې لري.

نوموړي په خواشینۍ سره وویل، چې په افغانستان کې د ا.ا.ا واکمن کیدل او د وطن د دښمنانو د منفي تبلیغاتو له امله ورزش په برخه کې زیاتره مسلکي کدرونه له هېواده وتلي، چې دا یوه لویه ضایعه ده.

د المپيک د ملي کمېټې رئيس وويل: د بدني روزنې له ټولو مسوولينو او استادانو څخه غواړم چې له قومي، سمتي او سياسي شخړو لرې خپلو روزنيزو سياليو او تمریناتو ته دوام ورکړي او د هېواد د بچيانو د روزنې په برخه کې په کلکه هڅې وکړي. او د ا.ا.ا چارواکو څخه غوښتنه کوم چې د سپورټ ټولو څانګو ته هر اړخیز او عادلانه نظر ولري.

د مراسمو په پای کې د دې دورې ممتازو فارغانو ته ستاینلیکونه ورکړل شول.

تازه خبرونه

یکشنبه ۱۴۰۱/۹/۱۳ - ۱۴:۱۷
Background image

د لوګر د کانونو انسټیټوټ لسمې دورې فراغت نمانځغونډه ترسره شوه

د لوګر د کانونو د انسټیټوټ د لسمې دورې فارغانو د فراغت مراسم ترسره شول. په دې مراسمو کې ځايي چارواکو، دیني عالمانو او د زده کوونکو کورنیو ګډون کړی و. په روان کال کې له دغه انسټیټوټ. . .

یکشنبه ۱۴۰۱/۹/۱۳ - ۱۴:۱۵
Background image

د افرن موسسې د ملاتړ په لړ کې د باميانو مسلکي ښوونځيو او انسټیټونو څخه ملاتړ ډاډ ورکړ

د افرن موسسې یا «دوستی فرانسه – افغانستان» د ملاتړ په لړ کې د بامیان د تخنیکي او مسلکي زده کړو له مرکزونو څخه خپل ملاتړ ډاډ ورکړ. د بامیانو ولایت د تخنیکي او مسلکي زده کړو له آمر امین. . .

یکشنبه ۱۴۰۱/۹/۱۳ - ۱۴:۱۳
Background image

د فاریاب د تخنیکي او مسلکي زده کړو په مرکزونو کې د زده کوونکو د جذب په موخه د عامه پوهاوي کمپاین پیل شو

د فارياب د مرکز د کرنې او وترنري انسټیټوټ استادانو د 1402 تعليمي کال لپاره د زده کړیالانو د جذب په موخه د عامه پوهاوي کمپاين پيل کړ. دوی د ميمنې ښار په منځنيو او عالي لېسو ته تللی او د. . .

BACK TO NEWS