د تخنیکي او مسلکي زده کړو ادارې د اکاډمیک بورد جلسه جوړه شوه
د تخنیکي او مسلکي زده کړو ادارې، د تخنیکي او مسلکي چارو د مرستیال په مشرۍ د اکاډمیک بورډ جلسه جوړه شوه.
د دغه جلسې په پیل کې د اکاډمیک بورد د مخکینیو پریکړو په هکله خبرې وشوې، اړونده مسؤلینو د کړنو په هکله خپل راپورونه وړاندې کړل.
په همدې حال کې د تعلیمي چارو د ارزونې او نظارت رئیس د دغه ریاست د پروګرامونو او لاسته راوړنو په هکله توضېحات ورکړل.
د اکاډمیک بورد په ناسته کې د ځینو مرکزونو د غیر معیاري صنفونو د وضعیت په هکله خبرې وشوې، په دې هکله ګډون کوونکو خپل نظرونه شریک کړل.
همدارنګه په دغه ناسته کې د تخنیکي او مسلکي چارو اړوند نورو موضوعاتو هم بحث وشو، او جلسه د خیر په دعا سره پای ته ورسېده.
