د تخنیکي او مسلکي زده کړو ادارې او افغان پُسټ شرکت ترمنځ د همکارۍ د هوکړه لیک مسوده وڅېړل شوه
د تخنیکي او مسلکي زده کړو ادارې د پلان او ستراتیژیکې همغږۍ رئیس مولوي نیک محمد نیکمل د افغان پُسټ دولتي شرکت له مسوولینو سره وکتل.
په دې کتنه کې د افغان پُسټ شرکت د سوداګرۍ د پراختیا رئیس ذبیح الله عمر په پیل د دغه شرکت او د هغې د خدمتونو په اړه معلومات ورکړل. مولوي نیکمل د تخنیکي او مسلکي زده کړو ادارې په اړه هم خبرې وکړې.
ورپسې دواړو لورو د تخنیکي او مسلکي زده کړو ادارې او د افغان پُسټ شرکت ترمنځ د همکارۍ د هوکړه لیک پر مسودې خبرې وکړې.
د دواړو لورو استازو د یادې مسودې په اړه خپل نظرونه او کتنې وړاندې کړې او دغه مسوده نهايي شوه.
