د تخنیکي او مسلکي زده کړو ادارې اونیزه اصلاحي غونډه ترسره شوه
د تخنیکي او مسلکي زده کړو ادارې اونيزه اصلاحي غونډه د دغې ادارې د برنامو د څيړنې او کيفيت د تضمين رئيس مفتي سيد محسن سادات په وينا او د کارکوونکو په حضور کې ترسره شوه.
نوموړي د کار او کسب او د کار د ترلاسه کولو په اړه خبرې وکړې.
ښاغلي سادات وویل چې کار د انساني تمدن بنسټ دی او بې کاره او بې پلانه انسان په اسلام کې هیڅ ځای او ارزښت نه لري او زیاته یې کړه چې پیغمبرانو، خلفای راشیدین او د اسلام سترو علماوو دندې، کسب او سوداګري درلوده.
نوموړي زیاته کړه چې رسول الله صلی الله علیه وسلم وفرمایل چې د هیچ خواړه غوره نه دې مګر هغه خواړه چې د لاسونو په تڼاکو ترلاسه کوي او هغه څخه ګټه اخلي، او هغه (حلاله وي، د قدرت او تخصص سره مطابق وي او بسنه کوونکی وي) د شغل او کسب له مناسبو ځانګړنو څخه یاد کړل.
د برنامو د څيړنې او کيفيت د تضمين رئيس د بېکارۍ په اړه خبرې وکړې او بېکاري يې د هېواد لپاره يو بحران وباله.
غونډه د خیر دعا په ویلو سره پای ته ورسیده.
