د تخنيکي او مسلکي زده کړو د مرستيال په حضور کې د بدخشان ولايت د مقام اداري غونډه تر سره شوه
د تخنيکي او مسلکي زده کړو ادارې مالي او اداري مرستيال مفتي فضل الرحمن فاضل بدخشان ولايت ته د خپل سفر په ترڅ کې یې د یاد ولایت له سيمه ييزو مقاماتو سره لیدنه وکړه.
دغه غونډه چې د بدخشان په ولایت مقام کې جوړه شوې وه، د بدخشان ولایت د والي مرستیال او یو شمېر نورو سیمه ییزو مقاماتو هم پکې ګډون کړی و.
په دې کتنه کې په یاد ولایت کې د تخنیکي او مسلکي زده کړو د مرکزونو د ستونزو د حل پر څرنګوالي او اړتیاوو ته د رسیدګۍ په اړه خبرې وشوې او د بدخشان سیمه ییزو مقاماتو ژمنه وکړه چې د تخنیکي او مسلکي زده کړو د مرکزونو د ستونزو او اړتیاوو په حل کې به د یاد ولایت د تخنیکي او مسلکي زده کړو له مرکزونو سره همکاري وکړي.
