د تخنيکي او مسلکي زده کړو ادارې سرپرست د کندز د کرنې انسټیټوټ وضعیت وڅيړه
د تخنيکي او مسلکي زده کړو ادارې سرپرست مولوي غلام حيدر شهامت د کندز ولايت د تخنيکي او مسلکي زده کړو له مرکزونو څخه د ليدنې په ترڅ کې د یاد ولايت د کرنې او وترنرۍ انسټيټوټ وضعیت بررسي کړ.
ښاغلي شهامت له دغه ښوونیزو مرکزونو څخه د لیدنې پر مهال د مسئولینو او محصلینو ستونزې او وړاندیزونه واورېدل او د حل په برخه کې یې د همکارۍ ژمنه وکړه.
تر دې مخکې هم د بغلان ولایت د تخنیکي او مسلکي زده کړو د مرکزونو وضعیت د تخنیکي او مسلکي زده کړو ادارې پلاوي له خوا څیړل شوی دی.
د مولوي غلام حیدر شهامت په مشرۍ د تخنیکي او مسلکي زده کړو ادارې یو پلاوی د تخنیکي او مسلکي زده کړو د مرکزونو د وضعیت د ارزونې په موخه ولایتونو ته سفر کړی دی.
دغه پلاوی به نورو ولایتونو ته هم سفرونه وکړي.
