د تخنيکي او مسلکي زده کړو ادارې د کارکوونکو لپاره د ظرفيت لوړونې پروګرام جوړ شو

د تخنیکي او مسلکي زده کړو ادارې د کارکوونکو چارو ریاست د یادې ادارې د کارکوونکو لپاره د (SPSS روزنې) تر سرلیک لاندې د ظرفیت لوړونې پروګرام جوړ کړ.

په دغه روزنیز پروګرام کې د یادې ادارې ۱۶ تنه کارکوونکي ګډون لري او ټاکل شوې چې نوموړو ته د ۷ ورځو لپاره د SPSS پروګرام په اړه روزنه ورکړل شي.

اس‌پي‌اس‌اس«SPSS» د یو کمپیوټري سافټویر نوم دی چې د احصایوي تحلیل لپاره کارول کیږي.

د کارکوونکو چارو ریاست د مسوولینو په وینا، د دغه پروګرام له جوړولو څخه یې موخه د دغې ادارې د کارکوونکو د ظرفیت لوړول دي.