د بلخ ولایت د کرنې او وترنرۍ انسټيټوټ وضعیت وڅېړل شو
د تخنيکي او مسلکي زده کړو ادارې سرپرست ښاغلي مولوي غلام حيدر شهامت د تخنيکي او مسلکي زده کړو مرکزونو د بررسي په دوام د بلخ ولايت د کرنې او وترنرۍ انسټیټوټ وضعیت بررسي کړ.
نوموړي د یاد ښوونیز مرکز له محصلینو او استادانو سره وکتل او د هغوی ستونزې یې واورېدې.
د کرنې او وترنری انسټیټوټ د مناسب تدریسي ودانۍ نه شتون او تجهیزات او لابراتوار کمښت د لویو ستونزو څخه دي.
ښاغلی شهامت دا مهال په بلخ ولایت کې دی، په پام کې دی چې د تخنیکي او مسلکي مرکزونو د بررسي په ګډون په پای کې د یاد ولایت له والي او سیمه ییزو چارواکو سره لیدنې وکړي.
نوموړي پلاوي تر دې وړاندې په بغلان، کندز، تخار او سمنګان ولایتونو کې د تخنیکي او مسلکي زده کړو مرکزونه بررسي کړې دي.
