د بلخ د شولګرې ولسوالۍ د کثيرالرشتوي لېسې د زده کوونکو د عملي زده کړو بهير
د بلخ ولایت د شولګرې ولسوالۍ د کثیرالرشتوي لېسې د دولسم ټولګي زده کوونکو د کرنيزو نباتاتو د عملي زده کړو په ترڅ کې د کرنیزو تخمونو له شرکت څخه لیدنه وکړه.
دوی د تخم د پاکولو، د ګنډلو ماشینونو، د ذخیره کولو طریقې او د غنمو ګدام له نږدې څخه ولیده.
نوموړو زده کوونکو د استادانو په لارښوونه لازم مهارتونه زده کړل.
د تخنیکي او مسلکي زده کړو په مرکزونو کې زده کړې په عملي کار تمرکز کوي. د دغه مرکزونو فارغان د هغه مهارتونو له مخې چې دوی زده کړې دي له فراغت وروسته د کار په بازار کې جذبیږي.
