د اکاډمیکو چارو مرستیال د کابل میربچه کوټ او فرزې ولسوالیو له مسلکي ښوونځیو لیدنه وکړه
د تخنیکي او مسلکي زده کړو ادارې اکاډمیکو چارو مرستیال او ورسره مل پلاوي د کابل ولایت میربچه کوټ او فرزې ولسوالیو کې د کرنې له مسلکي لېسو څخه لیدنه وکړه.
ښاغلي عزیزي د استادانو درسي پلان او مفردات وارزول او د تدریس کیفیت په لوړولو یې ټینګار وکړ.
نوموړي د ښوونځيو څخه د ليدنې پر مهال د زده کوونکو او ښوونکو ستونزې واورېدې. دوی د وسایلو کمښت، د درسي کتابونو او د لابراتوار نشتوالی له لویو ننګونو څخه یاد کړل.
د اکاډمیکو چارو مرستيال ستونزو د حل په برخه کې د همکارۍ ژمنه وکړه او زياته يې کړه: په دې وروستيو کې د تخنيکي او مسلکي زده کړو ادارې مشرتابه د هڅو په پايله کې د دې ادارې چاپ خونه بېرته فعاله شوې او ډیر ژر به د کتابونو کمښت ستونزه له منځه ولاړه شي.
