د ارزګان ولایت محبوسینو ته د سولر سیسټم د حرفوي زده کړو لنډ مهاله پروګرام پیل شو
د سولر سیسټم لنډ مهاله حرفوي پروګرام د ارزګان ولایت د تخنیکي او مسلکي زده کړو آمریت له خوا د یاد ولایت د محبس د مسوولینو په همکارۍ د دغه ولایت په محبس کې پیل شو.
په یاد ښوونیز پروګرام کې د ارزګان د محبس ۳۵ محبوسینو ته د سولر سیسټم د نصبولو او کارونې ته د سولر سیستم د چمتو کولو د څرنګوالي په اړه روزنه ورکول کیږي.
د ارزګان ولايت د محبس مسوولينو هم د تخنيکي او مسلکي زده کړو ادارې له دغې کړنې څخه ستاينه وکړو او د یادې ادارې له مسولینو یې وغوښتل چې د محبوسینو لپاره دغو ښوونيزو پروګرامونو ته دوام ورکړي.
دا په داسې حال کې ده چې د تخنيکي او مسلکي زده کړو ادارې رهبري تل هڅه کوي چې د ټولنې ټولو وګړو ته د زده کړو او مسلک زمينه برابره کړي تر څو خلک و توانېږي د فقر په کمولو کې له ټولنې سره مرسته وکړي.
