تخنیکي او مسلکي زده کړو ادارې نوی تعلیمي کال پیل شو

media_admin
شنبه ۱۴۰۲/۱/۵ - ۱۳:۱۴
سال جدید تعلیمی

د افغانستان اسلامي امارت د لوړ پوړو چارواکو په ګډون د تخنیکي او مسلکي زده کړو ادارې د نوي تعلیمي کال زنګ ووهل شو.

د مراسمو په پيل کې د تخنيکي او مسلکي چارو مرستيال مولوي غلام سعيد احساس ګډونوالو ته ښه راغلاست ووايه او زياته يې کړه، د خوښۍ ځای دی، چې تعليمي کال په سوله ييزه او ډاډمنه فضا کې پيل کېږي.

د مراسمو په دوام کې د هېواد د لوړو زده کړو وزارت سرپرست شیخ ندا محمد ندیم وینا وکړه او ویې ویل، چې د تعلیمي کال د لومړۍ مبارکه ورځ دی.

 ښاغلي ندیم وویل چې ټولنه او هیواد مسلکي او تکړه اشخاصو ته اړتیا لري او اسلامي امارت ژمن دی چې دغه اړتیا پوره کړي.

د لوړو زده کړو وزارت سرپرست په دوام کې د تخنیکي او مسلکي زده کړو له ادارې سره د دغه وزارت همکارۍ ته په اشارې سره وویل چې د دواړو ادارو د هوکړې له مخې به د انسټیټونو فارغان له یوه کلن تنزیل پرته په دولتي پوهنتونونو کې جذب شي. د هغه په ​​وينا، د انسټیټونو د فارغانو په ځانګړې ازموينه کې د برياليتوب فیصدي هم راټيټه شوې ده.

هغه زياته کړه، د ياد هوکړه ليک پر بنسټ به د تخنيکي او مسلکي زده کړو ادارې تعلیمی نصاب به د لوړو زده کړو له نصاب سره سم په خپلو انسټیټونو کې ترتیب کړي، تر څو د انسټیټونو فارغان په پوهنتونو کې تر جذب وروسته له ستونزو سره مخ نه شي.

د لوړو زده کړو وزارت سرپرست ټینګار وکړ چې اوس مهال دولتي ادارې له یو بل سره سیالي نه، بلکې همکاري کوي.

د مراسمو په دوام کې د تخنیکي او مسلکي زده کړو ادارې سرپرست مولوي غلام حیدر شهامت خبرې وکړې او ویې ویل، چې په نوي تعلیمي کال کې به د ټولنې اړتیاوو ته به پاملرنه وشي.

ښاغلي شهامت وویل، په تېرو وختونو کې د اداري فساد له امله د رشتې خلاف استادان ګومارل کیدل، "چې دغه امر د ادارې، علم او استادانو د بدنامۍ سبب کیده".

د تخنيکي او مسلکي زده کړو ادارې سرپرست زياته کړه، د اسلامي امارت له واکمنۍ وروسته د دغه ادارې نصاب ته په کلکه پاملرنه شوې ده.

ښاغلي شهامت وویل، د تخنیکي او مسلکي زده کړو ادارې خپلو موخو ته چې د متخصص او حرفوی ځواک روزل دي، هغه لور سوق شوی ده.

نوموړي ډاډ ورکړ، چې په روان تعلیمي کال کې د برښنایي څانګو د پراختیا په برخه کې اقدامات شوی، چې یوه نوی څانګه به هم ور اضافه کړای شي.

د تخنيکي او مسلکي زده کړو ادارې سرپرست زياته کړه، چې په دې اړه له ملي پرمختيايي شرکت سره خبرې روانې دي او په نږدې راتلونکي کې به دواړه ادارو د همکارۍ هوکړه ليک لاسليک شي.

 ښاغلي شهامت وویل، د تخنیکي او مسلکي زده کړو اداره د ملي پراختیا ادارې اړتیا چې متخصص ځواک روزل دی، تامین کړي.

مراسم د مکتب د زنګ په وهلو او دعایې په ویلو سره پای ته ورسیدل.

تازه خبرونه

پنجشنبه ۱۴۰۳/۳/۲۴ - ۱۱:۱۵
Background image

د نجراب کثیرالرشتوي انسټيټوټ زده کوونکو ته د سب‌اسټیشن په اړه روزنه ورکړل شوه

د کاپيسا ولايت د نجراب ولسوالۍ کثيرالرشتوي انسټيټوټ د الکتروتخنیک څانګې د دولسم ټولګي زده کوونکو ته د سب سټيشن په اړه عملي روزنه ورکړل شوه. لارښود استاد نوموړو ته د سب‌اسټېشن د تجهیزاتو. . .

چهارشنبه ۱۴۰۳/۳/۲۳ - ۱۵:۳
Background image

د شکردرې کثیرالرشتوي لېسې زده کوونکو ته د برېښنا اسټېشن په اړه روزنه ورکړل شوه

د کابل ولایت د شکردرې کثیرالرشتوي لېسې د دولسم ټولګي د برښنا څانګې زده کوونکو د استالف ولسوالۍ د اوبو برښنا اسټېشن څخه په لیدنه کې د برښنا اسټېشن په اړه عملي زده کړې ترلاسه کړې. د درس. . .

چهارشنبه ۱۴۰۳/۳/۲۳ - ۱۰:۲۳
Background image

د بلخ د تخنیکي او مسلکي آمریت مسؤلینو د انافي موسسې سره ناسته ترسره کړه

دبلخ ولایت د تخنیکی او مسلکي آمر محترم نورالله صلاح الدین امینی په دغه ولایت کې د انافي موسسې له یوه پلاوی سره ناسته ترسره کړه. په دې کتنه کې د موبايل ترميم په برخه کې د لنډ مهاله حرفوي. . .

BACK TO NEWS