د پکتیا ولایت «میرزکې» ولسوالۍ کثیرالرشتوی لیسې زده کوونکو په سیمه کې له یو حیواني کلینیک څخه لیدنه وکړه
د پکتیا ولایت د «میرزکې» کثیرالرشتوي لیسې دولسم ټولګي زده کوونکو د یادې ولسوالۍ یو حیواني کلینیک ته د علمی سفر په ترڅ کې د بیلابیلو حیواني مرضونو په اړه روزنه ترلاسه کړه.
لارښود استاد و د یاد کلینیک مسؤلینو د دې علمي سفر په ترڅ کې، زده کوونکو ته د حیواني مرضونو د ډولونو او د هغو امراضو د درملنې په اړه مفصل توضیحات وړاندې کړل او د نوموړو پوښتنو ته یې هم ځوابونه ورکړل.
علمي سفرونه د نظري زده کړو او د کاري او صنعتي چاپیریال واقعیتونو ترمنځ د نښلولو لپاره له خورا اغیزمنو لارو څخه ګنل کېږي. په ښوونیزو چاپیریالونو، په ځانګړي توګه د تخنیکي او مسلکي زده کړو مرکزونو کې، عملي زده کړې د زده کوونکو د مهارتونو په لوړولو او د کار بازار لپاره د هغوی په چمتو کولو کې کلیدي رول لوبوي.
د عملي روزنو زده کړه زده کوونکو سره مرسته کوي چې هغوی مطالب په ژوره توګه او علمي مفاهیم په ډیر کاربردي او عملي ډول درک کړي.
له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ پیاوړې کړي.
