د کاپیسا ولایت کوهبند مسلکي انسټيټوټ زده کوونکو د خاورې په اړه عملي روزنه ترلاسه کړه
د کاپیسا ولایت کوهبند مسلکي انسټيټوټ د لسم ټولګي زده کوونکو ته د تخنیکي او مسلکي زده کړو مرکزونو د عملي زده کړو په قالب کې د خاورې او د خاورې د « پي اچ » تعین کولو په اړه په عملي بڼه روزنه ورکړل شوه.
لارښود استاد د درس په ترڅ کې نوموړو ته د خاورې او د پی اچ سنج ماشین په واسطه د خاورې د « پي اچ » تعین کولو په اړه په مفصله توګه توضیحات وړاندې کړل.
عملي زده کړې د محصلینو سره مرسته کوي څو د فراغت وروسته په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
