د ننګرهار ولایت کرنې او وترنرۍ انسټیټوټ د محصلینو له لوري د زینتي ګلونو او بوټو پالنه
د ننګرهار ولایت کرنې او وترنري انسټیټوټ د کرنې څانګې محصلینو ته د تخنیکي او مسلکي زده کړو مرکزونو د عملي زده کړو په قالب کې د زینتي ګلونو او بوټو د پالنې په اړه په عملي ډول روزنه ورکړل شوه.
په ورته وخت کې، محصلینو هم د هغو فعالیتونو په ترسره کولو سره چې د استاد لخوا ورته لارښونه کیدله د اوبو لګولو سمه طریقه، د زینتي ګلونو او بوټو پیژندنه یاد بوټو د ودې طریقه په عملي ډول زده کړل.
لارښود استاد د دې فعالیت په ترڅ کې نوموړو ته د مناسبې خاورې پژندنې او د زینتي ګلونو د ودې اړینو تخنیکونو په اړه هر اړخیز معلومات وړاندې کړل.
د تخنیکي او مسلکي زده کړو په مرکزونو کې ډیری زده کړې عملي دي. تر څو د دغو مرکزونو فارغان په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
